Веспрем игра феноменално на стартот на новата сезона во унгарското првенство, откако во рамките од третото коло тимот на нашиот Дејан Манасков го декласираше Егер со преубедливи 51-30.
Манасков и соиграчите речиси и да не промашија шут во првото полувреме, во кое постигнаа дури 28 погодоци и на одмор заминаа со предност од 28-17. Во продолжението покажаа барем малку милост кон гостинските голмани и постигнаа „само“ 23 гола, првпат сезонава минувајќи ја границата од 50 погодоци.
Манасков го заврши натпреварот со три постигнати гола, а најефикасни во Веспрем беа Словенците Благотиншек со десет и Гајиќ со осум погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
