На европското првенство во атлетико во Рим се случи настан кој ретко го гледаме. Трката во брзо пешачење заврши на легендарниот Олимпико, а шпанската алтетичарка Лаура Гарсија-Каро, влезе на стадионот како третопласирана, и убедена дека ја има бронзата на градите.
Некој и подаде шпанско знаме и таа почна да слави, кревајќи ги тупаниците и мавтајќи со јазикот. Буквално на два метри пред целта зад неа се појави Украинката Људмила Ољановска која во последен момент ја престигна и со тоа и го одзеде медалот. Гарсија-Каро ја забележа кога веќе беше предоцна.
Според официјалните резултати, двете атлетичарки трката ја завршија за еден час 28 минути и 48 секунди, но Ољановска беше за дел од секундата побрза. Златото и среброто освоија домашните претставници, Антонела Палмисано и Валентина Траплети.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
