Во „кралското“ семејство: Фудбалски камп Foundation Real Madrid во Македонија!

За првпат во Македонија ќе се организира интернационален фудбалски камп Foundation Real Мadrid. Под покровителство на „Campus Experience“, ова лето во Скопје ќе се одржи првиот фудбалски камп на „кралевите“.


Компанијата од Македонија „Спорт Арена“ потпиша договор во Мадрид како ексклузивен лиценциран партнер на „Campus Experience Foundation Real Мadrid“ за организирање на фудбалски камп за деца од 7 до 17 години во Македонија. Кампот ќе се одржи во јуни во Скопје.

„Горди сме што успеавме да добиеме можност да станеме лиценцирани партнери на Campus Experience Foundation Real Мadrid и да го организираме првиот официјален фудбалски камп на „белите“ во Македонија. Тоа е голема работа и за нас како компанија, но пред се одлична можност за фудбалските вљубеници во Македонија. Младите ќе имаат можност за првпат, ексклузивно, да го доживеат Real Мadrid Foundation. Се разбира, оваа голема чест и привилегија е и голема обврска, и ќе мораме да ја оправдаме оваа доверба добиена од Campus Experience Foundation Real Мadrid. Набрзо, сите заинтересирани ќе ги добијат сите информации за учеството на фудбалскиот камп“, изјави Влатко Тодев, претставникот на компанијата „Спорт Aрена“, која се здоби со престижниот сертификат за организирање на официјален фудбалски камп на Foundation Real Мadrid.

Во наредниот период, како промотер на првиот камп на Campus Experience Real Мadrid Foundation, во нашата земја ќе допатува и Хоакин Сакес Блеса, извршниот директор, кој ќе го претстави на јавноста комплетниот проект.

Се вчитува...