Директорот на Формула 1 тимот на Мерцедес, Тото Волф изјави дека неговата екипа е многу посилна сезонава него тоа што беше минатата година и дека имаат за цел да бидат во врвот заедно со Ред Бул и Ферари.
Актуелниот шампион во конкуренција на конструктори Ред Бул беше најбрза на претсезонските тестирања минатата седмица во Бахраин, но сепак Тото Волф верува во болидот на Мерцедес и неговите возачи дека можат да го предизвикаат австрискиот тим.
„Уверени сме дека имаме болид со кој можеме да работиме и дека сме во посилна позиција отколку што бевме пред 12 месеци. Што е уште поважно, уживаме во предизвикот. Шампионатот ќе се води во текот на 23 викенди и секој од нив ќе ни даде можност да се подобриме. Почетокот на новата сезона е секогаш возбудлив, без разлика дали сте во спортот со децении, години или недели“, рече Волф.
Новата сезона во Ф1 почнува викендов со трката за големата награда на Бахраин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
