Шефот на стручниот штаб на Арарат, Арам Восканјан после натпреварот со Шкендија ги искажа своите импресии од дуелот во Скопје кој неговиот тим го загуби со 2-0.
Восканјан истакна дека не е задоволен од резултатот, но дека патникот ќе се решава во вториот натпревар.
„Не сум задоволен од резултатот и моравме да постигнеме барем еден гол, имавме три реални шанси да постигнеме гол во првиот дел. Во вториот дел ја сменивме стратегијата, сакавме да бидеме поопасни во нападот, и сакавме да оди кон тоа, но не успеавме. Се ќе биде одлучено во вториот натпревар во Ереван. Резултатот е тежок за нас, но сметам дека и натаму имаме шанси и нема да се предадеме“, рече Восканјан.
Тој додаде дека очекува поддршка од публиката на вториот меч и секако давање на максимум од играчите за да се стигне овој резултат.
„Ќе биде тешко, но имаме и втор натпревар. Секако дека неме да се предадеме. Имаме добри навивачи и со нивна помош ќе се обидеме да ја стигнеме оваа негатива“, вели Восканјан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
