Женската тениска асоцијација (ВТА) се надева дека турнирите во Кина ќе се вратат на календарот во 2023 година, но знае и дека државните органи на оваа земја се прашуваат за тоа.
Немаше женски професионален тениски турнир во Кина од ноември минатата година, кога кинеската играчка Шуаи Пенг откри дека била сексуално нападната од висок политичар.
Спортскиот свет беше загрижен за здравјето и состојбата на тенисерката. Во меѓувреме, ВТА се оддалечи од Кина, а и машката АТП ги отстрани сите турнири од својот календар минатата сезона, со образложение дека причините се строгите правила на коронавирусот во таа земја.
„Се надеваме дека ќе има настани во тој регион во 2023 година, но нема да правиме компромиси за основните принципи. Добивме уверување дека Пенг е здрава и дека добро се чувствува, но ние не успеавме да дојдеме до неа лично“, изјави првиот човек на ВТА, Стив Сајмон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
