Продолжува еднаквата трка на Брегалница и Тиквеш во битката за првото место во Втората лига – Исток, по победите на двете екипи и во 18. коло.
Брегалница, овој пат, беше повеќе од убедлива на гостувањето против Росоман победувајќи со 1-5. Триумфот беше обезбеден до 15. минута кога „сините“ се стекнаа со предност од 0-3 со головите на Ацковси во 9. минута и Наумов во 12. и во 14. минута. Капитенот Ристе Наумов во 72. минута запиша хет-трик за 1-4 во тие моменти, а конечните 1-5 ги постави Михаил Маневски со голот во 89. минута.
Тиквеш до триумфот од 1-2 на гостувањето против Каменица Саса дојде со голот на Бобан Здравевски во 63. минута од средбата.
Кит Го, пак, продолжува со одличните игри, запишувајќи убедлива победа од 3-0 во дербито против Кожуф. Тони Мичковски со головите во 4. и во 74. минута донесе предност од 2-0, а конечните 3-0 ги постави Кире Трпчевски во 84. минута.
ВТОРА ЛИГА – ИСТОК (18. КОЛО)
Росоман – Брегалница 1-5
Кит Го – Кожуф 3-0
Плачковица – Осогово 0-1
Каменица Саса – Тиквеш 1-2
Победа – Слога Виница 1-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
