Србинот Марко Вујин е најновото засилување за екипата на Вардар. „Црвено-црните“. Тој вчера вечер постигна договор и се обврза на едногодишна соработка со актуелниот европски шампион. По потписот Вујин вели дека главната причина за неговиот трансфер во Вардар е неверојатната енергија која ја има Скопје како град.
„Вардар е голем клуб и актуелен освојувач на Лигата на шампионите. Во клубот ме привлече новата приказна на чело со Михајло Михајловски. Голема ракометна енергија се чувствува во Скопје и тоа многу ме потсеќа на големите ракометни градови во кои играв како Кил и Веспрем. Исто така ме привлече и озбилната екипа која ја има клубот. Имам слушнатосе најдобро за условите за игра, луѓето и градот. Би сакал заедно да имаме успеси достојни за името на клубот“, вели Вујин за балкан-хендбол.
Вујин во Вардар доаѓа од редовите на Спортинг Лисабон, а во кариерата настапуваше и за европските гиганти Кил и Веспрем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
