Вулверхемптон испадна од Премиерлигата по осум сезони и оваа сезона ќе играат во Чемпионшип, но клубот одлучи да биде подготвен за таа борба и веќе потпиша две сериозни засилувања.
Вулверхемптон сака веднаш да се врати во елитата, и затоа веќе почнаа да го составуваат мозаикот за втората лига на англискиот фудбал. Доведени се Раул Хименез и Киран Трипие.
Мексиканскиот напаѓач, кој го играше фудбалот на својата кариера во Вулверхемптон, се врати по три сезони во Фулам. Во последните две постигна двоцифрен број голови во сите натпреварувања, а клубот се надева дека ќе ја пренесе таа форма во жолто-црниот дрес. За клубот од Вулверхемптон постигна 57 гола на 166 натпревари во сите натпреварувања, но имаше големи проблеми во последните три сезони, како резултат на повреда на главата во дуелот против Арсенал.
Трипие имаше одлична кариера, играше и за Тотенхем, Атлетико и беше едно од првите големи засилувања на новиот проект на Њукасл. Но, тој во последно време се мачеше со повреди, го загуби местото во стартниот состав во Њукасл и ќе се сврти кон Чемпионшип за да се обиде да направи последен голем пробив во кариерата, со оглед на тоа што веќе има 35 години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
