Хрватскиот репрезентативец и член на Реал Мадрид, Лука Модриќ, кој се уште е актуелен добитник на престижната награда „Златна топка“ на Франс Фудбал, не се најде меѓу 30-те номинирани кандидати за наградата во 2019 година. Тој минатата сезона успеа да биде најдобар, да ги „победи“ вечните конкуренти Лионел Меси и Кристијано Роналдо, но за првпат од доделувањето на наградата (1995 година) добитникот од минатата година не заслужи да биде во потесниот избор од 30 имиња.
Најмногу фудбналери има од европскиот првак Ливерпул, вкупно седум, а потоа следат петмина од Манчестер Сити. Четворица фудбалери се кандидирани од Барселона, а Реал Мадрид, Јувентус, Ајакс, Тотенхем и ПСЖ имаат по двајца. Со по еден претставник се Атлетико Мадрид, Баерн Минхен, Наполи и Арсенал.
Меѓу номинираните во изборот на Франс Фудбал се најдоа следните фудбалери:
Вирџил Ван Дајк (Ливерпул)
Мохамед Салах (Ливерпул)
Роберто Фирмино (Ливерпул)
Џорџинио Вајналдум (Ливерпул)
Садио Мане (Ливерпул)
Алисон Бекер (Ливерпул)
Трент Александер-Арнолд (Ливерпул)
Рахем Стерлинг (Манчестер Сити)
Кевин Де Бруин (Манчестер Сити)
Ријад Махрез (Манчестер Сити)
Бернардо Силва (Манчестер Сити)
Серхио Агуеро(Манчестер Сити)
Лионел Меси (Барселона)
Антоан Гризман (Барселона)
Френки де Јонг (Барселона)
Марк Андре Тер Штеген (Барселона)
Еден Азар (Реал Мадрид)
Карим Бензема (Реал Мадрид)
Дони ван де Бек (Ајакс)
Душан Тадиќ (Ајакс)
Кристијано Роналдо (Јувентус)
Матијс де Лихт (Јувентус)
Хјонг-Мин Сон (Тотенхем)
Хуго Лорис (Тотенхем)
Маркињос (ПСЖ)
Килијан Мбапе (ПСЖ)
Жоао Феликс (Атлетико Мадрид)
Калиду Кулибали (Наполи)
Роберт Левандовски (Баерн Минхен)
Пјер-Емерик Обамејанг (Арсенал)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
