Дивок Ориги поради повреда вооопшто не беше во составот на Ливерпул за денешниот дуел со Вулверхемптон, но Јирген Клоп и управата на Ливерпул организираа збогување со стил за белгискиот голгетер, кој со „шпалир“ беше поздравен од тренерот, стручниот штаб и соиграчите пред преполните трибини на „Енфилд“.
Ориги не беше стандарден во нападот на Ливерпул, но секогаш кога ќе добиеше шанса максимално ја користеше. Ќе остане запаметен неговиот гол за 4-0 во победата во полуфиналето од ЛШ над Барселона, како и погодокот за 2-0 во големото финале против Тотенхем, со кој Белгиецот стави печат на европската титула на Ливерпул.
Тој летово како слободен играч ќе си замине од „Енфилд“, а следна дестинација на Ориги ќе биде новиот италијански првак Милан.
Guard of honour for Liverpool legend Divock Origi ❤️ pic.twitter.com/XwGO6SK8Ag
— Liverpool FC News (@LivEchoLFC) May 22, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА