Портпаролот на политички организираниот дел од италијанската ЛГБТ-заедница го обвини Златан Ибрахимовиќ за хомофобија по настапот на „Сан Ремо“.
Еден момент сериозно ја налутил ЛГБТ-заедницата во Италија. Водителот на фестивалот, уметникот Амадеус, побара од Златан да замисли како би изгледал овој настан а преносот да се организира од неговата куќа.
„Пејачите во дневната соба, девојките со Златан. Ти во кујната да ми подготвуваш кафе“ – рече Златан, коментирајќи го и пејачот Лауро.
„Него ќе го ставиме во гаражата да внимава на автомобилите, крадците нема ништо да украдат затоа што се плашат од него“.
Лауро е италијански пејач кој многумина го споредуваат со Лејди Гага, затоа што не се декларира како „тој“ или „таа“, туку како „тоа“.
Па, претставникот на ЛГБТ-заедницата го осуди ваквиот настап на Ибрахимовиќ, истакнувајќи дека тоа не му било првпат.
„Ибрахимовиќ уште во Шпанија покажа дека е хомофоб. Кога еден новинар во 2010 година го праша дали е хомосексуалец, тој му порача да му ја донесе сестрата. А, погледнете го како се однесува и на терен, со расистичките навреди кон Лукаку и неговата мајка“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА