Кристијано Роналдо е ѕвезда и миленик на публиката каде и да настапува. Но, Португалецот знае и како да ги придобие навивачите.
По девет години поминати во Мадрид, во дресот на Реал, Роналдо летово се пресели во Јувентус и заедно со своето семејство ужива во новата средина во Италија и ја освојува публиката во Торино.
Откако потпиша за „старата дама“, Роналдо доби многу нови фанови, а со вчерашната објава на Инстаграм потполно ги „запали“ навивачите на Јувентус.
Најдобриот фудбалер во светот објави фотографија со своето семејство на која и неговата вереница Георгина Родригез и четирите деца се облечени во дресови на Јувентус. Роналдо на објавата остави и краток коментар – „црно-бело семејство“.
Овој потег на новата ѕвезда на Јувентус ги воодушеви навивачите , па само за десетина минути, еден милион негови следбеници ја лајкуваа фотографијата, а за десет часа бројката се искачи на 8,5 милиони лајкови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА