Манчестер Сити одамна постигна договор со Борусија Дортмунд околу трансферот на Ерлинг Халанд. Во петокот се навршува еден месец од објавувањето на трансферот, но Халанд се уште не е официјално претставен во својот нов тим.
Но, трансферот дефинитивно е на повидок, бидејќи Норвежанецот веќе се прости од соиграчите од Дортмунд. Според медиумите од Манчестер, постојат две главни причини зошто Халанд се уште официјално не е претставен во дресот на Манчестер Сити.
Англичаните ќе ги префрлат парите за напаѓачот дури на 1 јули, датумот кога всушност ќе се случи и официјално трансферот. Во моментов меѓу двата клуба има само договор за негова подоцнежна реализација.
Друга причина е тоа што Халанд се уште не избрал број. Според изворот, Норвежанецот и неговите агенти ја чекаат одлуката за иднината на Габриел Жесус, бразилскиот офанзивец кој моментално го носи бројот 9, кој Халанд повеќе би сакал да го носи.
За потсетување, Халанд моментално е со норвешката репрезентација, која како и другите европски селекции во јуни ќе игра во Лигата на нации. Одличниот напаѓач и донесе победа на својата селекција против Србија (0-1). Вечерва ја пречекуваат Словенија, а за три дена Шведска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
