Евертон бара нов тренер: Прв избор - Томас Тухел - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

Евертон бара нов тренер: Прв избор – Томас Тухел

Евертон бара нов тренер: Прв избор – Томас Тухел

Отказот врачен на Роналд Куман беше очекуван по слабите игри на стартот од сезонава, но сега пред челниците на Евертон е потешкиот дел од задачата – да најдат стратег што ќе ги исполни нивните очекувања во периодот што следи и ќе ги извлече „карамелите“ од тешката резултатска криза. Како што јавува весникот „Мирор“, прв „пик“ на Евертон во оваа потрага е германскиот стратег Томас Тухел, со кого во текот на денешниот ден и официјално ќе бидат стартувани разговори.

Според германските медиуми Тухел не е премногу загреан бидејќи се надева дека следното лето би седнал на клупата на Баерн, но тој е подготвен да се сретне со Евертон и да им даде шанса на челниците на англискиот премиерлигаш да го убедат да се пресели во Ливерпул.

Доколку „карамелите“ не успеат во својата намера, тогаш ќе се обидат да го привлечат Марко Силва, кој успева да го извлече максимумот од тимот на Ватфорд, а како опција се споменува и Шон Дајш од Барнли. Евертон ги демантираше гласините дека е можен камбек на Дејвид Мојес на „Гудисон парк“, а минимални шанси во оваа трка му се даваат на Рајан Гигс, кој јавно искажа интерес да го наследи Куман.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.