Кака во солзи кажа збогум, плачеше половина стадион (видео) - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
19/11/2017 14:58
Кошарка
19/11/2017 12:33
Ракомет
18/11/2017 19:25
Ракомет
18/11/2017 18:59

Кака во солзи кажа збогум, плачеше половина стадион (видео)

Кака во солзи кажа збогум, плачеше половина стадион (видео)

Рикардо Кака емотивно го доживеа својот последен натпревар во дресот на Орландо сити, тим за кој настапуваше уште од 2014 година. Бразилскиот генијалец објави дека ја напушта МЛС-лигата, а заедно со него солзи на синоќешниот дуел со Колумбус пуштија и илјадници фанови на Орландо, свесни дека за последен пат го гледаат овој фудбалски велемајстор во дресот на својот клуб.

Ова е посебен ден за мене, цел ден размислував за сето она што го доживеав во претходните три години. Денеска можам на сите да ви речам „Благодарам“ и дек многу ќе ми недостигате. Засекогаш ќе бидам еден од вас“ – им порача Кака на навивачите на клубот од Флорида.

Се уште е нејасно кој ќе биде следниот чекор во кариерата на Бразилецот, кој најверојатно ќе се врати да одигра една сезона во татковината, пред и дефинитивно да му каже збогум на фудбалот.

Рикардо Кака е еден од само четирите фудбалери во историјата кои ја освоиле Златната топка, но исто така триумфирале и на еден фудбалски мундијал и во Лигата на шампионите. Тој својата кариера ја почна во Сао Пауло, а во Европа осум години го носеше дресот на Милан и четири сезони беше член на Реал Мадрид.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.