Италијанските гиганти како да се натпреваруваат кој ќе измисли дизајн на дрес со кој ќе ги разочара своите фанови. Милан се надмина со новиот дизајн на црвено-црни риги преку бела површина на дресот, но „росонерите“ дефинитивно ќе паднат на второ место на листата на најгрди дресови за наредната сезона, откако денеска Јувентус се „пофали“ со својата четврта комбинација.
Најтрофејниот италијански клуб е препознатлив по црно-белата комбинација, и во минатото има изненадувано со други варијанти на резервните дресови, но се чини овојпат се надмина промовирајќи го синиот дрес во комбинација со бела и портокалова боја.
„Кога фудбалот ќе се запознае со уметноста… Редефинирање на боите“, беше напишано на официјалниот твитер-профил на Јувентус крај видеото со кое се промовираше новиот дрес.
When football meets art… Kolours redefined 🤩
Introducing our new @adidasfootball x @kobrastreetart kit, available now! 🎨
👕 https://t.co/nt7XS9vGuq pic.twitter.com/9rXwyWiGJp
— JuventusFC (@juventusfcen) April 15, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
