Американската фудбалска репрезентативка, Алекс Морган, најави дека ќе биде во националниот тим за Олимписките игри во Токио следното лето иако ќе го роди првото дете во април наредната година. 30-годишната Морган беше на врвот на листата стрелци на последното Светско првенство на кое нејзината репрезентација го одбрани златото. Нов селектор на САД е македонскиот стратег Влатко Андоновски.
„Мојата цел е да играм во Токио. Времето навистина е кратко, но ако биде се во ред би сакала да ја претставувам мојата земја“ – изјави Морган.
Таа и сопругот, фудбалерот Сервандо Караско обајвија дека очекуваат девојче. Терминот на раѓањето е во април, а Морган практично ќе има само три месеци да се врати во форма и да биде во американската репрезентација.
Морган игра за Орландо Прајс, за националниот тим има постигнато 107 гола на 169 натпревари. Во 2016, 2017 и во 2019 година беше во 11-те најдбри во изборот на ФИФПро, а во 2017 година кога беше во Лион ја освои Лигата на шампионките. Олимписките игри официјално почнуваат на 24 јули, фудбалскиот турнир тргнува два дена порано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА