Екипата на Челси синоќа загуби со 3:0 на гостувањето кај Брентфорд во натпревар од петтото коло во Премиер лигата.
По пет кола, Челси има учинок од две победи, едно реми и два порази, а менаџерот на „сините“, Чаби Алонсо не го криеше разочарувањето од поразот.
За Шпанецот на клупата на Челси, најголем проблем на тимот е одбраната. На сите пет натпревари, Челси не успеа да ја зачува сопствената мрежа. Екипата прими дури 12 гола на петте натпревари во Премиер лигата и засега ја има најслабата одбрана во целата лига.
„Одбраната е темел, мораме да бидеме подобри во тој дел од играта, мораме да биде цврсти и ефикасни во извршување на одбранбените задачи. Тоа ќе дојде, сè уште е рано и имаме време да работиме на подобрување на некои работи“, изјави Алонсо.
Според Шпанецот, екипата се уште бара рамнотежа помеѓу напаѓачкиот фудбал кој го негува и сигурноста во одбраната.
„Мораме да ја процениме целата екипа, немавме доволно континуитет во средниот ред, против Брентфорд одигравме добри 45 минути. Мораме да најдеме начин да бидеме конкурентни“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
