Репрезентативната пауза беше добредојдена за Работнички, тимот да закрепне од повредите и да се подготви за вториот дел од есенската полуетапа во која главната цел е да се избегне дното на табелата. „Романтичарите“ утре (13 часот) како дел од 15.коло во Првата фудбалска лига, ќе гостуваат во Ѓорче Петров и ќе ги одмерат силите со Македонија ЃП.
„Паузата ја искористивме за да исправиме дел од грешките и подготвено го очекуваме продолжението од првенството. Се надеваме на многу подобри игри и резултати во следниот период. Посакуваме позитивната низа да стартува од утрешниот натпревар во Ѓорче Петров. Но, нема да биде лесно, бидејќи Македонија ЃП е квалитетен состав и посебно добро игра пред сопствените гледачи“, изјави тренерот Марјанчо Андрески за официјалниот сајт на клубот.
Мечот меѓу Македонија ЃП и Работнички е закажан за утре со почеток во 13 часот, а главен судија е Александар Грујоски од Кичево.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
