Работнички е во лош ритам во првенството, но посакува да се пласира во четвртфиналето на Купот на Македонија. Утре (13.30 часот) „романтичарите“ ќе го пречекаат Пелистер на стадионот „Борис Трајковски“ во Маџари и се надеваат дека ќе обезбедат пласман во следната рунда од најмасовното натпреварување.
На првиот дуел под „Тумбе кафе“, Работнички ремизираше против Пелистер (1-1).
„Работиме напорно и се надеваме дека брзо ќе излеземе од кризата. Ги анализираме грешките, се обидуваме да излеземе подобри и единствено мерило сепак се резултатите. Верувам дека тимот ќе одговори позитивно и ќе го покаже квалитетот на утрешниот куп-натпревар против Пелистер. Наша цел е пласман во следната рунда од ова натпреварување“, изјави тренерот Марјанчо Андрески за официјалниот сајт на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
