Алексис Мекалистер и Лисандро Мартинез дополнително ја обезбедија својата безбедност во Англија, а причината за тоа се сега веќе познатите Фолкландски Острови. Бурата околу овој случај се уште не стивнува, додека властите бараат протерување од земјата.
По победата на Аргентина над Англија (2-1) во полуфиналето на Светското првенство, фудбалерите на Ливерпул и Манчестер Јунајтед позираа со натпис на кој пишуваше „Фолкландските Острови се аргентински“.
Понесени од еуфоријата, „гаучосите“ заборавија дека наскоро треба да се вратат на островот и да настапуваат за своите клубови во земјата чиј народ штотуку го навредиле. Кога се вратија во Европа, решија ништо да не препуштат на случајноста.
Нивните клубови не учествуваа во организацијата или финансирањето на овој вид заштита, со што се оградија од пораките испратени од аргентинската репрезентација за време на Светското првенство во САД. Трошоците за приватното обезбедување ги сносија исклучиво Мекалистер и Мартинез.
Тешко е да се очекува дека навивачите на „црвените“ и „црвените ѓаволи“ ќе им свртат грб на своите миленици, кои се стандардни првотимци на великаните на англискиот фудбал. Можеби тие ќе им простат, но британската влада нема таква намера, а од ФИФА е побарано да спроведе истрага.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
