Многумина се осмелуваат да го споредат Ансу Фати со Лионел Меси, со оглед на тоа што млад влезе во првиот тим, собори неколку рекорди и најави дека може да направи блескава играчка кариера.
Сепак, повредите драстично го запреа развојот на младиот напаѓач кој најверојатно и оваа сезона ќе ја заврши во јануари. Минатата недела доживеа повреда на мечот од Купот, против Атлетик Билбао и ако одлучи да прави операција, нема да се врати пред почетокот на следната натпреварувачка кампања.
Каталонски медиуми тврдат дека Фати е во депресија последните денови што можеше да се заклучи и од неговата реакција по повредата кога во солзи го напушти теренот. За да го смири, раководството на Барселона посетува дека и Лионел Меси, кој во првиот тим дебитираше на 17 години, во почетната фаза од кариерата често се повредуваше и беше надвор од терените.
Тоа е сосема точно, во првите три сезони како првотимец, Меси забележа вкупно 70 настапи во сите натпреварувања што е малку во однос на неговиот потенцијал. Не играше во завршницата од сезоната 2005/06 кога Барселона ја освои титулата во Лигата на шампионите поради повреда на реванш дуелот со Челси во осминафиналето од елитното натпреварвање. И следната сезона се повреди во ноември поради што беше надвор од тимот три месеци за веднаш по враќањето да заигра против Реал и да постигне хет-трик во Ел Класико. Таа година (2007) почна неговиот рапиден прогрес кој резултираше со тоа, Меси да стане најдобар фудбалер на сите времиња.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА