Беспрекорната кариера на Буштур: Освојувач на сребро од ЛОИ 1976, европски вицешампион со поранешна СФРЈ

Една од најголемите македонски кошаркарски легенди Благоја Георгиевски – Буштур синоќа трагично загина во сообраќајна несреќа во 69-та година од животот.

Популарниот Буштур, без сомнение, е личност која остави силна трага во македонскиот спорт, освојувач на олимписки медал од ЛОИ 1976, но и бројни медали од европски шампионати со селекцијата на поранешна СФРЈ. Со својот Работнички во сезоната 1975/76 стигна и до полуфиналето во Купот на европските победници на куповите.

Низ неколку издвоени моменти од неговата биографија ве потсетуваме на беспрекорната кариера на Благоја Георгиевски – Буштур.

  • Член на младинска репрезентација на поранешна Југославија со која, под селекторската палка на Лазар Лечиќ, стигна до балканската шампионска титула во 1970 година
  • Полуфинале на Европското младинско првенство 1970 година во Атина
  • Европски вицешампион со репрезентацијата на поранешна СФРЈ на Европското првенство 1971 во Западна Германија
  • Олимписки вицешампион од ЛОИ 1976 во Монтреал. Најголем успех во историјата на еден македонски кошаркар!

По завршувањето на играчката кариера извршуваше и бројни раководни функции во македонската кошарка:

  • Селектор на македонската сениорска репрезентација
  • Член на УО на КФМ и на Собранието на Македонскиот олимписки комитет
  • Претседател на Олимпискиот совет при МОК
  • Член на Клубот на великаните на Македонскиот олимписки комитет од 1997 година

Се вчитува...