Фаворизираната селекција на Уругвај доживеа изненадувачка елиминација од Мундијалот 2026 уште по групната фаза, откако собра само два бода во три натпревари.
Уругвајците се елиминирани откако загубија со 1-0 во дербито на групата од Шпанија. Оваа елиминација на Уругвајците како да баше претходно најавена и со внатрешниот конфликт во тимот кој ескалираше токму пред ова дерби.
Единствениот гол на мечот беше постигнат во 42. минута кога Алекс Баена шутираше, а голманот на Уругвај, Фернандо Муслера, направи кардинална грешка и прими гол што тренерот Марсело Биелса не му го прости.
Веќе на полувремето, популарниот „лудак“ го замени голманот и легенда на Уругвај, кој во претходните денови беше водач на бунтот на тренинзите токму против тренерот.
Но, Биелса на прес-конференцијата по мечот истакна дека Муслера сам барал замена на полувремето.
„Беше депримиран и сам побара да биде заменет на полувремето“ – соопшти Биелса.
🚨🗣️ Marcelo Bielsa: “Fernando Muslera asked me to be subbed off at half time.” pic.twitter.com/5cKckHL1KY
— The Touchline | 𝐓 (@TouchlineX) June 27, 2026
Искусниот стратег, пак, се чини веќе е поранешен на клупата на Уругвај. Репрезентативците веќе извесен период искажуваат непослушност кон него, а овој дебакл на Мундијалот сигурно ќе му пресуди на Биелса.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
