Поранешниот англиски репрезентативец, Андрос Таунсенд, доживеа бизарна несреќа за време на загревањето на полувремето од натпреварот од тајландската лига меѓу Прачуап и Патани, кога беше удрен од валјак за одржување и прегазен преку нозете речиси до половината.
Поранешниот репрезентативец на Англија и фудбалер на Тотенхем се загреваше со своите соиграчи од Прачуап на полувремето од натпреварот против Патани, кога се случи бизарниот инцидент.
Таунсенд излезе од просторот за загревање за да се обиде да му ја додаде топката на соиграч. Сепак, тој не забележа дека моторизиран валјак за одржување управуван од работник на стадионот се приближува кон него.
Валјакот го удри 35-годишниот фудбалер и го собори на земја, а потоа му помина преку нозете речиси до половината. Возачот веднаш скокна од возилото и се обиде да го подигне валјакот и да го ослободи Таунсенд.
За среќа, Англичанецот успеа да стане и да продолжи со загревањето.
Уште поневеројатно, тој заврши на теренот. Тој влезе во игра како резерва на крајот од натпреварот, кој Прачуа го доби со 3-0.
По натпреварот, Таунсенд се огласи на Инстаграм и на шега ја коментираше целата ситуација.
„Се испостави дека гостувањето кај Стоук не беше толку лошо“, напиша подоцна поранешниот играч на Тотенхем, шегувајќи се за себе.
Townsend อดีตนักเตะทีม พาเลส และอดีตทีมชาติอังกฤษ ที่ตอนนี้อยู่ ประจวบ มีคลิปตอนซ้อมช่วงพักครึ่ง เกมที่เจอกับปัตตานี ตามคลิปเลยคำถามคือมาตรฐานความปลอดภัยอยู่ตรงไหน เขาวอร์มกันอยู่แท้ๆ ยังดีที่ไม่เป็นอะไรมาก นี่แหละการทำงานแบบไทยๆ pic.twitter.com/ijluAOrMvS
— Notsecreteverything (@Notoreverything) September 19, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
