Хрватска ја победи Панама со 1-0 во натпреварот од 2. коло од Групата Л на Светското првенство, и на тој начин го преживеа Мундијалот.
Во случај на пораз, а секако и нерешено, Хрватите ќе ги загубеа сите шанси за нокаут фазата. Вака, со три бода од два натпревари, тие го чекаат третото коло против Гана во уште еден натпревар од изданието „да се биде или не“.
Победа или бод би го обезбедиле второто место за Гана, додека само победа и гарантира на Хрватска место во осминафиналето. Бод не би гарантирал пласман, бидејќи постојат големи шанси многу селекции со четири бода да имаат и позитивна гол-разлика, што не е случај со Хрватска.
Од друга страна, Панама дефинитивно е елиминирана и ќе игра против Англија за збогување од турнирот.
Клучниот момент на натпреварот се случи во 54. минута кога Пашалиќ ја започна акцијата со пета, Станишиќ центрираше и го пронајде Будимир, кој од првиот контакт со топката создаде предност и реализирајќи за триумф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
