Холандија по ремито со Германија на стартот од Лигата на нации денеска во 18 часот гостува на селекцијата на Србија, дуел за кој селекторот Чави реши да избрише еден од четворицата фудбалери на Ливерпул во својот состав.
Коди Гакпо, Вирџил ван Дајк и Рајан Гравенберх ќе бидат во комбинација за настап во Белград, но истото нема да важи за Џереми Фримпонг. Холанѓаните допатуваа со 24 фудбалери во српскиот главен град, стручниот штаб требаше да избрише еден од нив за конечниот список, а изборот падна токму врз Фримпонг.
Десниот бек не беше дел ниту од плановите на претходниот селектор Куман за СП 2026, а по просечните партии за Ливерпул на стартот од сезоната не успеа да го импресионира ниту новиот предводник на националниот тим, кој му дава предност на Дамфрис на оваа позиција во тимот.
Во однос на дуелот со Германија, холандскиот селектор поради повреди остана без помошта на Броби и Гертруда, а дополнително беше повикан напаѓачот на Манчестер јунајтед, Џошуа Циркзе.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
