Нема многу време за еуфорија во хрватскиот табор, па „коцкестите“ од вечерва почнуваат со подготовки за полуфиналната пресметка со селекцијата на Англија. Според реномето Англичаните важат за фаворити, но Хрватска е решена да оди чекор понапред од 1998 година и да се најде во големото финале.
„Сега почнуваме да се занимаваме со Англија, со добрите страни и слабостите на оваа репрезентација. Штом стигнаа до полуфиналето, сигурно се многу добри, лесно ја добија Шведска и ќе бидат поодморени за дуелот со нас. Како и да е, Хрватска и силна и не се плаши од никого, очекувам да излеземе на терен и да сториме се за да победиме“ – изјави селекторот Златко Далиќ на денешната прес-конференција.
Кормиларот на хрватскиот национален тим смета дека стилот на игра на Англија повеќе им одговора на неговите избраници отколку што тоа беше случај со Данска и со Русија.
„Третото коло со Исланд, потоа и дуелите со Данска и Русија, тоа беа ривали што се максимално затворени и не ти оставаат простор да играш. Англија е поинаков тим, сака да игра фудбал и затоа верувам дека публиката ќе има можност да ужива во квалитетен натпревар“ – истакна Далиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА