Пауло Дибала мина повеќе од еден месец во борба со коронавирусот, последниот тест конечно му беше негативен, но Аргентинецот се уште не може да стартува со тренинзите, макар и индивидуални во својот дом.
„Имам чувство дека ми е потребен тренинг, да ги видам тренерите и соиграчите, барем да ја допрам топката за момент. Чувствувам потреба да ги облечам копачките и да трчам, да постигнам гол. Да бидам искрен, никогаш не ни помислив дека може да се случи фудбалот толку да ми недостига“, вели Дибала.
Асот на Јувентус е изненаден од предолгата пауза на сите спортски активности.
„Мина премногу време без тренинг, дури и денеска не знаеме кога точно ќе се вратиме. Ова не е одмор, да знаеш колку одмараш и кога пак ќе тргнеш со тренинзи и натпревари. Сепак, долгата изолација ме натера да пробам нови работи, па така си најдов нова страст – јога. Ми се допаѓа и увидов дека може многу да ми помогне“, истакна Пауло Дибала.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
