Уникс Казањ продолжува да реди победи во регионалната ВТБ-лига, под водство на одличниот Ненад Димитријевиќ. Македонскиот репрезентативец одигра значајна улога и при денешната победа на гостувањето против МБА со 81-97.
Уникс отпорот на домашниот тим со скрши со серијата од 13 поени на стартот од втората четвртина, кога Димитријевиќ и соиграчите стигнаа до двоцифрена позитива што ја одржуваа до самиот крај.
Димитријевиќ почна одлично, со четири поени и две асистенции на самиот старт, но потоа влезе во проблеми со прекршоци и го преседе на клупата поголемиот дел од првото полувреме. Сепак, македонскиот плејмејкер беше импресивен во вториот дел, стигнувајќи до вкупно осум поени и импресивни 12 асистенции, за нова победа и задржување на стопроцентниот ефект во ВТБ-лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
