Ненад Димитријевиќ продолжува со одличните партии во Еврокупот, од ланската сезона во дресот на Хувентуд и на почетокот од новата, овојпат како член на Валенсија.
Македонскиот репрезентативец беше во елемент и го разигра својот тим со 11 асистенции, предводејќи ја Валенсија до рутинска победа над грчкиот прволигаш Промитеас од 92-82. Грците солидно парираа во голем дел од мечот, но Валенсија во последната четвртина го скрши нивниот отпор и стигна до двоцифрена предност.
Димитријевиќ покрај единаесетте асистенции имаше и девет постигнати поени, а најефикасен во таборот на Валенсија беше Лабери со 23 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
