Алекс Душебајев е добро познато име за македонската ракометна јавност. А, и Македонија и нејзиниот ракомет и тоа како се добро познати за Шпанецот со руско потекло кого вечерва од 20:30 часот го чека пресметката против поранешниот свој тренер од Вардар, Раул Гонзалес и момците кои, како што вели, и тоа како вредат.
„За Македонија ме врзуваат само убави спомени од периодот на настапи во Вардар. Добро знам колку е сакан ракометот во таа земја и со какви квалитетни ракометари располага македонската селекција“ – вели Душебајев за шпанските медиуми пред денешниот дуел на СП 2019.
Не ги штеди пофалните зборови ниту за македонскиот селектор Раул Гонзалес…
„Тој е веќе докажано одличен стратег кој знае да го извлече максимумот од секој тим. Ќе биде тежок натпревар и покрај тоа што некои можеби очекуваат дека лесно ќе минеме на овој меч. Знам колку ракометно вредат Стоилов и сите тие репрезентативци на Македонија против кои сум играл. Верувам дека ќе бидат убав, атрактивен натпревар“ – вели Душебајев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
