ЛА Лејкерс ги победија ЛА Клиперс со 135-118 изминатава ноќ во градското дерби во НБА лигата. Лејкерс го победија тимот на Клиперс и се пласираа во нокаут фазата од НБА Купот по убедлив триумф во кој постигнаа дури 135 поени!
Тие го обезбедија првото место во Групата Б со скор од 13-4 оваа сезона… Клиперс повторно беа ослабени. Богдан Богдановиќ, Дерик Џонс, Бредли Бил и Џордан Милер не играа, додека Лејкерс го вратија Леброн Џејмс, но останаа без Деандре Ајтон.
Лука Дончиќ беше феноменален на мечот завршувајќи со 43 поени, 9 скока и 13 асистенции, додека Остин Ривс имаше 31 поен, 9 скока и 3 асистенции, Леброн Џејмс заврши со 25 поени, 6 скока и 6 асистенции, а Руи Хачимура беше двоцифрен со 13 поени.
Two technical fouls and the ejection on Kris Dunn for this alteration. One technical foul for Jaxson Hayes. pic.twitter.com/QDeyRNMpM3
— Khobi Price (@khobi_price) November 26, 2025
Во редовите на Клиперс видовме 29 поени, 5 скока и 9 асистенции од Џејмс Харден, 19 поени од Крис Дан, 19 од Кавај Ленард, 18 од Џон Колинс, а Ивица Зубац имаше „дабл-дабл“ од 10 поени и 10 скока.
НБА – РЕЗУЛТАТИ:
ЛА Лејкерс – ЛА Клиперс 135-118
Филаделфија – Орландо 103-144
Вашингтон – Атланта 132-113
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
