Фудбалската федерација на Еквадор поднесе жалба до ФИФА откако околу 1.000 бучни мексикански навивачи се собраа и направија бучава во текот на ноќта пред хотелот на тимот во Мексико Сити, во пресрет на натпреварот меѓу двата тима во осминафиналето на Светското првенство, објави Ројтерс.
Локалната полиција потоа пристигнала на местото на настанот и ги растерала навивачите.
Фудбалското седиште на јужноамериканскиот тим се пожали дека ваквото однесување е „далеку од принципите на фер-плеј, еднаквост и единство што треба да ги претставува Светското првенство“, барајќи „да се преземат потребните мерки за заштита на мирот и безбедноста на играчите, тренерите и навивачите“.
„Веруваме дека ваквите неспортски постапки нема да ја засенат фудбалската прослава што ги обединува двата братски народа. Почит, фер натпревар и фер-плеј – ова се принципи што се од големо значење за Светското првенство – тие мора да продолжат да се почитуваат“, се вели во жалбата.
Mexican fans brought drums, fireworks, and car horns outside Ecuador’s team hotel to keep the players from sleeping 🤣🇲🇽🎺
(Via @zaritzisosa, @ECZ23) pic.twitter.com/XsQQ1h0IN5
— Bleacher Report (@BleacherReport) June 30, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
