Менаџерот на Арсенал, Унаи Емери вели дека да може да бира никогаш не би сакал да игра против Ливерпул. Неговиот тим во третото коло од Премиер-лигата ќе гостува на „Енфилд“ стадион на кој не можат да се пофалат со добри резултати. Лондонскиот тим ги загуби последните три натпревари нагости кај Ливерпул, со вкупна гол-разлика од 2-12.
„Не сакам да играм против Ливерпул. Што се однесува до нас, би сакал никогаш да не мора да се сретнеме со нив“, изјави Емери.
Во дербито двата тима влегуваат со максимален учинок, откако Арсенал беше подобар од Њукасл и Барнли, додека Ливерпул ги совлада Норич и Саутемптон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
