Македонскиот стратег Емил Рајковиќ дебитираше со победа на клупата на Автодор Саратов откако во првиот натпревар од ВТБ лигата рускиот тим славеше на гостувањето кај естонскиот тим Калев/Крамо со 93-97.
Домаќините добро го започнаа мечот и поведоа со 28-20 по првите 10. минути, но избраниците на Рајковиќ разликата ја стопија во втората четвртина по што на паузата на семафорот стоеше предност за Русите од 46-47. Автодор го задржа водството и во третата четвртина, а откако Естонците се вратија во последните десет минути, финишот на натпреварот им припадна на гостите за победнички старт на сезоната.
„Многу е важно што ја започнавме сезоната со победа. Калев одигра добро во одбраната и ни беше потребно време за да се прилагодиме и да го засилиме темпото со тоа што нив ова им беше шестти, а нас прв натпревар. Момците добро одговорија во нападот, постојано баравме отворен човек и тоа се испалтеше со 22 асистенции. Мораме да бидеме подобри во одбраната и во скок играта и тоа е нешто што ќе се обидеме да го корегираме на тренинзите кои се пред нас. Ни следи натпреварот против Локо и нешто што морам да направиме е да ја „набилдаме“ самодовербата. Затоа оваа гостиска победа беше многу значајна за нас“, изјави по мечот македонскиот стратег.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
