Кошаркарите на ЛА Клиперс загубија на гостински терен од Феникс Санс со резултат 115-112, во синоќешниот натпревар во НБА лигата.
Клиперс добро се држеа во текот на целото прво полувреме, во кое се играше целосно нерешено со променлив резултат, но сè им „се распадна“ во третиот период. Санс ја добија таа четвртина со резултат 40-23 и со тоа повеќе или помалку го решија прашањето на победникот, бидејќи имаа +14 кога влегуваа во последната четвртина, а +22 не долго потоа.
Најдобар во победничкиот тим беше Девин Букер со 24 поени, шест скока и седум асистенции, а повратникот Џејлен Грин беше одличен со 29 поени.
На спротивната страна, најмногу се истакна хрватскиот центар Ивица Зубац со 23 поени и 11 скока. Кам Кристи постигна 17, а Џон Колинс 13 поени, додека Харден и Леонард не играа. Богдан Богдановиќ, кој ја започна сезоната многу лошо, го запиша својот втор двоцифрен резултат по ред – овој пат имаше 12 поени (3/8), четири скока, пет асистенции и една блокада и една изгубена топка. Претходно имаше 11 поени, шест скока и четири асистенции против Оклахома.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
