Напаѓачот на Ливерпул, Роберто Фирмино, би можел да го пропушти првиот полуфинален меч од Лигата на шампионите против Барселона на „Камп Ноу“. Дуелот ќе се одигра в среда, со почеток во 21 часот, а Бразилецот се жали на болки во мускулот. Тој го пропушти вчерашниот меч против Хадерсфилд од Премиер – лигата.
„Тренираше во четвртокот нормално, работевме на прекини и се беше во ред. Но, потоа се пожали на болки во мускулот. Сепак, Боби е таков, тешко е него да го одвоите од фудбалот. Ако и најмала шанса да игра, тој ќе биде во составот“, изјави менаџерот Јирген Клоп по триумфот над Хадерсфилд (5-0).
Евентуалното отсуство на Фирмино ќе биде голем удар за Ливерпул на дуелот против Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА