Германскиот стратег Ханси Флик со триумф во првиот официјален натпревар ја започна својата ера во Барселона. Каталонците на стартот на Ла Лига славеа на тешкото гостување кај Валенсија со 1-2.
Флик не го криеше задоволството од успешниот почеток на новата сезона, но додаде и дека неговиот тим има простор за дополнителен напредок.
„Многу е важно да се започне со победа. Бевме подобри во второто полувреме. Направивме повеќе грешки во првото полувреме. Голот на крајот од полувремето беше многу важен.
Се браниме и напаѓаме како еден тим. Левандовски е голем професионалец. Заврши многу дефанзивна работа и постигна два гола. Имаме многу да подобриме, но многу е важна победата на стартот на првенството“, изјави Флик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
