Тренерот на Барселона, Фанси Флик во пресрет следниот предизвик во Ла Лига, гостувањето кај Рајо Валекано говореше и на темата Дами Олмо.
Шпанскиот репрезентативец ја засили Барселона ова лето, но ги пропушти првите два натпревари во сезоната бидејќи каталонците не смеат да го регистрираат без да ги прекршат финансиските правила. Германскиот стратег се надева дека ситуацијата ќе биде надмината и тој ќе го има Шпанецот во својот состав за натпреварот кој е закажан за во вторник.
„Се надевам дека ќе можам да сметам на него. Се надевам дека тоа ќе биде веќе утре (во вторник): Очекував дека ќе го имам и за претходниот натпревар, но работите се такви какви што се. Ќе биде феноменално да го имам во тимот, но ќе видиме што ќе биде. Тоа е нешто што не можеме да го контролираме ние како тим, а ниту пак самиот играч. Тешка околност. Разговарав со него, тешка е ситуацијата и се надевам дека ќе може да игра утре. Нормално дека не е среќен, но ги знае околностите. Спремен е за игра“, вели Флик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
