Натпреварот од осминафиналето на Светското првенство меѓу Парагвај и Франција, за кој се очекуваше да биде едно од дербијата од нокаут фазата, е засенет од неверојатните услови на стадионот во Филаделфија.
Навивачите кои пристигнаа на натпреварот се соочија со шокантни температури, а некои пријавија дека на седиштата се измерени речиси 70°C, пишуваат американските медиуми.
Според извештаите од трибините, температурата на површината на пластичните седишта изложени на директна сончева светлина достигнала дури 69,7 степени Целзиусови (157,5°F). Поради ова, делови од гледалиштето станале практично неупотребливи за седење. Дури и поекстремни вредности наводно биле забележани поблиску до самиот терен. Сензори поставени по должината на теренот измериле температури од околу 60°C (140°F) во некои области, што дополнително сведочи за интензитетот на топлотниот бран за време на овој натпревар од Светското првенство.
Средбата, која се игра на стадионот „Линколн Фајненшл Филд“ во Филаделфија, беше под посебно внимание уште пред почетокот поради најавените услови. Прогнозата предвидуваше температура на воздухот од околу 38°C (100°F), а високата влажност го зголемуваше чувството на топлина. Организаторите се подготвија за екстремни услови со обезбедување паузи за освежување, станици за ладење и подобрена медицинска поддршка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
