Селекторот на ракометната репрезентација на Македонија и тренер на Алкалоид, Кирил Лазаров, би можел да седне на клупата на францускиот Нант.
Оваа вест е објавена на францускиот Инстаграм профил „Flash Hand“, кој пишува дека Лазаров е сериозен кандидат за клупата на тимот во кој ја заврши професионалната кариера.
Французите пишуваат дека Данило Анѓелковиќ беше во игра да биде нов тренер на Нант, но сега и името на Лазаров се споменува како можен тренер на францускиот тим.
Кирил Лазаров го носеше дресот на Нант пет години, од 2017 до 2022 година, и токму во францускиот тим ја заврши блескавата кариера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
