Тренерот на сплитски Хајдук, Џенаро Гатузо, отворено зборуваше за случувањата во хрватскиот шампионат пред последното коло од првенство кое ќе одлучува околу новиот шампион на Хрватска.
Хајдук гостува во Шибеник и се надева дека ќе победи како би се надевал на титулата. Но, за тоа на сплитските бели ќе им треба и порази во последното коло на Ријека и Динамо Загреб. Секое поинакво сценарио не им одговара.
Ова ќе биде последен натпревар за Гатузо на клупата на Хајдук.
„Не е лесно да се подготвуваш за вакви натпревари, ова е последна недела од првенството, има многу прашања околу потпишувањето маички и дресови… Многу играчи ги завршуваат своите договори, но ние направивме сè што беше потребно и подготовките поминаа нормално. Нема да биде лесно, Шибеник ќе даде се од себе, но од нас зависи да одиграме најдобро што можеме, да победиме а потоа да погледнуваме со едно око и на другите два натпревари“ – вели Гатузо, кој беше прашан и дали ќе има местење на резултати.
„Ништо не ме изненадува во фудбалот. Се е можно, но тоа се дискусии за кафулиња. Не можеме да влијаеме на тоа. Од нас зависи да си ја завршиме работата најдобро што можеме.“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
