Најдобриот македонски тенисер, Калин Ивановски имаше фантастичен настап на ИТФ турнирот Монастир, Тунис каде стигна до својата прва професионална титула.
Освојувањето на првиот трофеј во сениорскиот тенис му донесе и голем скок на АТП листата. Со триумфот во Монастир доби 15 АТП поени и на последната ранг-листа, која што беше објавена во понеделникот, запиша скок од 310 места и сега е на 779. позиција. Кај мажите најдоброрангиран е Данил Медведев, па следуваат Зверев, Надал, Алкараз и Циципас. Новак Ѓоковиќ е шести, а во првите десет се уште и Руд, Оже-Алијасим, Нори и Хуркач.
Нашата најдобра тенисерка Лина Ѓорческа напредуваше едно место (237). Кај дамите на лидерската позиција сè уште е Ига Швјонтек од Полска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА