Селекторот на Данска, Николај Јакобсен се соочува со големи проблеми пред последниот натпревар од главната групна фаза на Светското првенство против Хрватска. Буквално цел тим на Данците е заразен со стомачен вирус, проблем кој почнал во саботата.
Микел Хансен не можеше да игра ни на мечот против Јапонија, а дефинитивно е надвор од настап и за вечерашниот меч. Да биде проблемот уште поголем Јакобсен вечерва нема да може да смета ниту на Мадс Менсах, Мортен Олсен и Ласе Андерсон кои исто така се предводници на тимот на Данска.
„Состојбата на Микел беше катастрофална. Сега сме среќни што едвај почна да зборува. Далеку е од добро, не може ниту да јаде. Голем дел од ракометарите не сакаа да излезат од хотели само за да бидат блиску до тоалет. Наш приоритет е да бидеме подготвени за четвртфинале, а со Хрватска навистина не знам кој ќе ми игра“, изјави Јакобсен.
Позитивно е тоа што Данска веќе обезбеди пласман во четвртфиналето од шампионатот, а сега се отвора шанса и за Хрватска која со победа и покрај киксот против Аргентина, може да се пласира меѓу осумте најдобри на шампионатот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
