Канадската национална метеоролошка служба издаде портокалово предупредување за областа на Торонто.
Португалија и Хрватска вечерва во 1 часот по полноќ во Торонто, ќе го одиграат мечот од шеснаесеттина финалето, но екстремни временски услови сериозно го загрозуваат одржувањето на натпреварот.
Канадската национална метеоролошка служба („Environment Canada“) издаде портокалово предупредување за областа на Торонто. Стадионот „БМО Филд“ ќе биде погоден од невидеен топлотен бран, како и од можни грмотевици.
Според официјалните податоци на канадските метеоролози, температурата на воздухот во Торонто ќе се движи од 32 до 35 Целзиусови степени во сенка. Сепак, поради екстремно високата влажност, реалното чувство на топлина на стадион на отворено ќе биде меѓу 40 и 44 степени.
Покрај екстремната топлина, на сила е и жолто предупредување поради можноста за локални грмотевици. Тие се предвидени за периодот меѓу 13 и 22 часот по локално време, што се совпаѓа со почетокот на натпреварот во 19 часот.
„БМО Филд“ е стадион на отворено, што значи дека натпреварот нема да се прекине само поради дожд, туку и во случај на грмотевици.
Според строгите безбедносни правила на ФИФА, доколку системите за следење детектираат удар на гром во радиус од 13 километри од стадионот, натпреварот веднаш ќе биде прекинат!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
