Натпреварите од 14. коло во Втората лига – Исток денеска, без сомнение, ќе бидат во знакот на големата дерби пресметка меѓу Брегалница и Тиквеш.
Во директен дуел уште еднаш пред домашната фудбалска јавност двете екипи во желбата да се покаже кој е кој на источната страна од второлигашката конкуренција. Брегалница е во далеку порелаксирана ситуација ако се знае дека е со пет бода предност во однос на конкурентот, но шефот на стручниот штаб Марјан Секуловски вели дека овој натпревар бара максимален пристап и колективна игра за да се дојде до целта.
„За натпреварите со Тиквеш секако не е потребна некаква посебна мотивација. Тиквеш е исклучително квалитетна екипа која ние максимално ја почитуваме. Затоа сериозно пристапуваме на средбата, ќе се обидеме да одиграме на највисоко можно ниво, а верувам дека на крајот тимскиот дух и колективната игра ќе пресудат. Верувам дека сите фудбалери ќе го дадат својот максимум да дојдеме до посакуваната цел“ – вели Секуловски.
А, Тиквеш, по претходниот убедлив пораз од Кит Го од 1-4, сега без досегашниот тренер Раде Цицмиловиќ, кој си поднесе оставка, доаѓа во Штип каде секогаш знае и умее да изненади.
ВТОРА ЛИГА – ИСТОК (14. коло, денеска, 13 ч.)
Брегалница – Тиквеш
Кит Го – Каменица Саса
Победа – Кожуф
Росоман – Плачковица
Слога Виница – Осогово
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
