Грција за прв пат во историјата освои злато на големо меѓународно натпреварување во ватерполо, откако ја победи Унгарија со 15:14 во финалето на Светското првенство во Сиднеј.
Тимот на Теодорос Влахос конечно ја прекина серијата од пет порази во финалињата на големите натпреварувања и стигна до најпрестижниот медал, откако го освои бронзениот медал на Европското првенство во Белград претходно оваа година.
Грција е меѓу најдобрите светски тимови во последните децении, но најголемиот трофеј постојано им бега. Тие го одиграа своето прво големо финале во 1997 година во Атина, кога беа поразени од САД.
Потоа следеа болни порази од Србија во финалето на Медитеранските игри во 2018 година и на Олимписките игри во Токио во 2021 година, потоа од Унгарија во финалето на Светското првенство во 2023 година по изведување на пенали, како и од Шпанија во финалето на Светското првенство во Подгорица минатата година.
Овој пат, Грците успеаја да го направат последниот чекор и да ја напишат најважната страница во историјата на националното ватерполо со победа над Унгарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
