Пеп Гвардиола, 50-годишниот шпански тренер на англискиот Манчестер Сити, планира да присуствува на претставувањето на неговиот сонародник и поранешен фудбалер на Барселона, Чави, како главен тренер на каталонскиот клуб. Ова информација ја пренесува новинарот на „Sky Sport“, Матео Морето на Твитер.
Според најавите, Гвардиола во текот на вчерашниот ден пристигнал во Барселона и ги откажал претходно планираните настани за да биде на претставувањето на Чави. Да потсетиме дека Гвардиола ја започна својата тренерска кариера во 2007 година во втората екипа на Барселона, а од 2008 до 2012 година го водеше првиот тим со кој три пати стана шампион на Шпанија, двапати го освои Купот на Шпанија, двапати ја освои Лигата на шампионите, Суперкупот на УЕФА и светското клупско првенство. Претходно Барселона и официјално го објави назначувањето на Чави за главен тренер.
Веќе е познато дека договорот на 41-годишниот тренер со Барселона ќе важи до крајот на сезоната 2023/2024. Денес, 8 ноември, тој ќе се појави како нов тренер на првиот тим на отворен настан за јавноста на „Камп Ноу“. По настанот Чави ќе зборува на прес-конференција во прес-центарот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
